130 წლის შემდეგაც კი, ნიუ-იორკის ბრუკლინის სასაფლაოზე მოსული ადამიანები აგრძელებენ ჯოხების დადებას რექსის, 1884 წელს დაღუპული ძაღლის საფლავზე.
გრინ-ვუდის სასაფლაოზე, რომელიც ბრუკლინის სამხრეთ ნაწილში მდებარეობს, სტუმრები მისდევენ ძალიან გულისამაჩუყებელ ტრადიციას, რომელზეც The Dodo–მ, ცხოველებზე სპეციალიზებულმა ვებგვერდმა, გააკეთა რეპორტაჟი. უკვე 130 წელია, ისინი საფლავზე ჯოხებს ტოვებენ.
რექსი ძაღლია, რომელიც 136 წლის წინ დაკრძალეს მის პატონთან ერთად. თუ ამ სასაფლაოზე მიხვალ, შენ დაინახავ ქვის პლატფორმაზე მწოლიარე ძაღლს, თითქოს თავის პატრონს დასცქერის. ქვას მისი სახელიც აწერია. და გარშემო – ასობით ჯოხი. ეს არის ტრადიცია: თითქმის 150 წელია, ყოველი გამვლელი რექსს პატივს სცემს ამ პატარა სიმბოლური ჟესტით.
კარგი ძაღლი
რექსი სიცოცხლეშიც ძალიან უყვარდათ. ის ეკუთვნოდა ჯონ სტოუს, ნიუ-იორკის ცნობილ ხილის ვაჭარს XIX საუკუნის 50-იან წლებში. მისი საყვარელი ხასიათი იმდენად დასამახსოვრებელი იყო, რომ სწორედ ის ადამიანები, ვინც მას იცნობდა, საფუძველი ჩაუყარეს ამ ტრადიციას 1884 წლიდან.
რექსი იქცა სიმბოლოდ ამ სასაფლაოსთვის. „ხალხი ჯოხებს ტოვებს მის პატარა თათებთან. ერთმა ვიზიტორმა ძაღლის ფოტოც კი დატოვა – შესაძლოა ის ცხოველი ახლახან გარდაიცვალა და ეს იყო თხოვნა: ‘რექს, უყურე ჩემს პატარა მეგობარს’,“ – ამბობს სტეისი ლოკი, გრინ-ვუდის სასაფლაოს კომუნიკაციების მენეჯერი.
რექსი პოპულარული გახდა სოციალურ ქსელებშიც! უამრავმა ადამიანმა დაწერა ამ იდუმალი ძაღლის შესახებ, რომელიც საუკუნეზე მეტია, რაც ვიზიტორებს იზიდავს.
